-

 ಭಾವದಾSSSಲಹರಿಗೆ..... -1

ಗುಲ್ಮೊಹರ
ಸೂರ್ಯ ಮುಳುಗೋ ಹೊತ್ತು.ಇಪ್ಪತ್ತೆರೆಡರ ವಯಸ್ಸು!  ದಾರಿಯಲ್ಲಿ ಬಿದ್ದ ಕೇಸರಿ ಗುಲ್ಮೊಹರದ ಹೂವುಗಳನ್ನ ಆರಿಸಿ ತಂದು ಮನೆಯ ಕಿಟಕಿಯ ಪಕ್ಕ ಇಡ್ತಿದ್ದ.ಎದುರು ಮನೆಗೆ ಬಂದಿರೋ ಉದ್ದ ಜಡೆಯ ಹುಡುಗಿ ,ಕಾದು ಯಾವುದೋ ಮಾಯದಲ್ಲಿ ಮೆಲ್ಲಗೆ ಕಾಲು ಗೆಜ್ಜೆಯನ್ನಷ್ಟೇ ಜ಼ಲ್ ಜ಼ಲ್ ಸದ್ದು ಮಾಡಿ ತೊಗೊಂಡು ಹೋಗ್ತಿದ್ಲು...
ಆಹಾ!! ಗುಲ್ಮೊಹರ ಅಲ್ಲಿ ಇಲ್ಲದ್ದನ್ನ ನೋಡಿದ ತಕ್ಷಣ ಇವನ ಹೂವಿನಂತ ಮನಸ್ಸು ಹಗುರಾಗಿ ತೇಲಿದಂತಾಗ್ತಿತ್ತು. 


'ಯಾಕೋ ಪೆದ್ದ್ ಪೆದ್ದಾಗಿ ನಗ್ತೀಯಾ, ಏನೋ ಆಗಿದೆ ಇವ್ನಿಗೆ...ಮೇಲ್ ಹೋಗಿ ಬಟ್ಟೆ ತೊಗೊಂಡ್ ಬಾ ಅನ್ನೋವ್ಳು ಅಮ್ಮಾ! 
ಇವ ಸಿಕ್ಕಿದ್ದೇ ಚಾನ್ಸ್ ಅಂತ ಓಡಿ ಹೋಗ್ತಿದ್ದ. ಅವಳು ಮನೆಯ ವರಾಂಡದಲ್ಲಿ ಬೆಕ್ಕು, ನಾಯಿಯ ಜೊತೆ ಆಡಿಕೊಂಡು ಕಿರುಗಣ್ಣಿಂದ ಇವನನ್ನ ಗಮನಿಸ್ತಿದ್ಲು.. ಹಾಗೇ ಆಕೆ ನೋಡಿದಾಕ್ಷಣ ಹೃದಯದ ಬಡಿತ ಹೆಚ್ಚಾಗಿಬಿಡ್ತಿತ್ತು... 
'ದೀಪ ಹಚ್ಚಿದ್ದಾದ್ಮೇಲೂ ಹೊರಗ್  ಏನ್ ಮಾಡ್ತಿದ್ದೀಯಾ..ಒಳಗ್ ಬಾ' ಅನ್ನೋ ಸದ್ದು ಕೇಳಿ ಒಳಗೆ ಅವಿತರೆ ನಾಳೆ ಸಂಜೆಯವರೆಗೂ ಅವಳ ದರ್ಶನವಿರುತ್ತಿರಲಿಲ್ಲ.
ಸೂರ್ಯ ಮುಳುಗೋ ಹೊತ್ತು, ದಾರಿಯಲ್ಲಿ ಗುಲ್ ಮೊಹರವಿತ್ತು. ನೋಡುತ್ತಲೇ ನಿಂತ! ಅವಳ ಮನೆ ಬಾಗಿಲು ಮುಚ್ಚಿತ್ತು! ತುಂತುರು ಮಳೆ ಹನಿಯಲ್ಲಿ ಹಿತವಿರಲಿಲ್ಲ..
ಅದೊಂದು ಕೆಟ್ಟ ದಿನ ! ಕಿಟಕಿಯ ಪಕ್ಕ ಇಟ್ಟಿದ್ದ ಗುಲ್ಮೊಹರವನ್ನ ತೆಗೆದುಕೊಂಡು ಹೋಗುವಾಗ ಜ಼ಲ್ ಜ಼ಲ್ ಗೆಜ್ಜೆ, ಮಿಯಾಂವ್ ಅನ್ನೋ ಬೆಕ್ಕಿನ ಸದ್ದು ಕೇಳಿದ್ದು ಅದೊಂದೇ ಕ್ಷಣ... ಜೋರಾಗಿ ಚೀರಿದ್ಲು ... ಇವನು ಕೇಳಿದ ಮೊದಲ ಹಾಗು ಕೊನೆಯ ದನಿ ಅದೇ ಆಗಿತ್ತು. ಅಷ್ಟೇ, ಲಾರಿಯೊಂದು ಅವಳನ್ನು ಅಪ್ಪಳಿಸಿ ಆಹುತಿ ತೆಗೆದುಕೊಂಡು ಬಿಟ್ಟಿತ್ತು... ಗುಲ್ಮೊಹರ ರಕ್ತದ ಮಡುವಿನಲ್ಲಿ  ಒದ್ದೆಯಾಗಿತ್ತು..ಇವನೋ ಕಣ್ಣೀರಿನಲ್ಲಿ!.

ಸೂರ್ಯ ಮುಳುಗೋ ಹೊತ್ತು! ವಯಸ್ಸು ಮೂವತ್ತೆರಡಾಯ್ತು. ದಾರಿಯಲ್ಲಿ ಬಿದ್ದಿರೋ ಗುಲ್ಮೊಹರ,ತಂಗಾಳಿಯಲ್ಲಿ  ಹಿತವಿರಲಿಲ್ಲ... 
ಕಿಟಕಿಯ ಸರಳುಗಳು ಚಿರವಿರಹದ ದನಿಯಾಗಿತ್ತು.

-ಕೌಸ್ತುಭಾ ಭಾರತೀಪುರಂ.

Comments

  1. UnknownJanuary 1, 2021 at 3:43 AM

    Good one 👍 Keep writing 🙏

    ReplyDelete
  2. Dr. Prakash I NJanuary 1, 2021 at 4:02 AM

    👍

    ReplyDelete
  3. UnknownJanuary 1, 2021 at 4:29 AM

    Akka tumba channagede

    ReplyDelete
  4. UnknownJanuary 1, 2021 at 6:49 AM

    ಕತೆ ಚೆನ್ನಾಗಿದೆ, ಆದರೆ sad ending ನಂಗೆ ಇಷ್ಟವಿಲ್ಲ

    ReplyDelete
  5. UnknownJanuary 1, 2021 at 7:19 PM

    ಅದ್ಭುತ 👌👌

    ReplyDelete
  6. Dr GkbhatJanuary 2, 2021 at 8:00 AM

    Beautiful,
    ಭಾವದ ಲಹರಿಗೆ ಬಯಲು ದಾರಿಯ ತೋರೆ!

    ReplyDelete

Post a Comment

Popular posts from this blog

-
Image
  ಭಾವದಾsssಲಹರಿಗೆ...-2 ಲೋಪ ಸಾಗರ ಅವಳೋ...ಅವಳೇ ಒಂದು ಚಿಲಿಪಿಲಿ ಹಾಡು ಹಕ್ಕಿ..  'ಲೋಪ ಮುದ್ರಾ',  ಸಾಗರನ ಸೋದರತ್ತೆ ಮಗಳು. ಇವನೆಷ್ಟು ಮೌನಿಯೋ ಅವಳಷ್ಟೇ ಧೋ ಎಂದು ಸುರಿವ ಚಿಟಪಟ ಮಳೆ. ಅವಳ ಮನೆ ಇವನ ಮನೆಯ ಒಂದೆರೆಡು ಬೀದಿ ಆಚೆ ಈಚೆ. ಚೆಂದದ ಲಂಗದಾವಣಿ, ಕಿವಿಯಲ್ಲಿ ಜುಮುಕಿ, ಕೈತುಂಬಾ ಬಳೆ, ದಟ್ಟವಾದ ಉದ್ದ ಜಡೆ, ಜಡೆಯಲ್ಲಿ ಮಲ್ಲಿಗೆ ಮೊಗ್ಗು, ಕಾಲಲ್ಲಿ ಜಲ್ ಜಲ್ ಅನ್ನೋ ಗೆಜ್ಜೆ... ಇವಳು ಸಾಗರನಿಗಷ್ಟೇ ಪ್ರಪಂಚವಲ್ಲಾ... ಅವನು ಅವರ ತೊಟ್ಟೀಮನೆ ಸುತ್ತ ನೇತು ಹಾಕಿದ್ದ ಪಂಜರಗಳಲ್ಲಿನ ಹಕ್ಕಿಗಳೂ ಇವಳ ಗೆಜ್ಜೆ ಸದ್ದಿಗೆ ಚೀಂವ್ ಚೀಂವ್ ಅಂತ ನಲಿದು ಹಾಡುತ್ತಿದ್ದವು.  ನಾಳೆ ಎಕ್ಸಾಮ್ ಕಣೇ... ಒಂದೆರೆಡ್ ದಿನ ನೀನು ಈ ಕಡೆ ಬಂದು ಡಿಸ್ಟರ್ಬ್ ಮಾಡ್ಬೇಡ..ನೀನೂ ಓದ್ಕೋ ಇಲ್ಲದಿದ್ರೆ ಮೆಡಿಕಲ್ ಸೀಟ್ ಸಿಗಲ್ಲ ಅಂತ ಹೇಳಿ ಫೋನ್ ಇಡೋಷ್ಟ್ರಲ್ಲಿ ಅವಳು ಸುಯ್ಯ್...ಅಂತ ಸುಳಿದು ಹಿಂದಿನಿಂದ ಅವನನನ್ನೊಮ್ಮೆ ಬಳಸಿ ,ಕಿವಿಯಲ್ಲಿ ಕೂಂ...ಅಂತ ಕಿರುಚಿ ತಲೆಯನ್ನೊಮ್ಮೆ ಕೆದರಿ ಪುಟ ಪುಟ ಅಂತ ಅಡುಗೆ ಮನೆಗೆ ಓಡಿಬಿಡ್ತಿದ್ಲು. ಲೋಪಳೂ ಎಂದೆಂದೂ ಶಾಲೆಗೆ ಟಾಪರ್ ಆಗಿಯೇ ಉಳಿವ, ಲವಲೇಶವೂ ಲೋಪವಿರದ ಹುಡುಗಿ. ಕೊಳಲನೂದುತ ತೊಟ್ಟಿಮನೆ ಮಧ್ಯೆ ಇದ್ದ ತುಳಸೀ ಕಟ್ಟೆಯ ಮುಂದೆ ಕೂತು ಬಿಟ್ರೆ ಮಳೆ ಬಂದು ನಿಂತ ಅರಿವೇ ಇರ್ತಿರ್ಲಿಲ್ಲ... ಸಾಗರನೂ ಹಾಡುತ್ತಾ..ಅವಳೆದುರು ಕಳೆದುಹೋಗ್ತಿದ್ದ.. ಇದ್ದಕ್ಕಿದ್ದ ಹಾಗೇ ಲೋಪಳ ಬದುಕಿಗೆ ಅವರಪ್...
Read more
-
Image
 ಭಾವದಾsssಲಹರಿಗೆ...-4 ಬದುಕೆಷ್ಟು ಹತ್ತಿರ  !!!! ಲಲಿತೆಗಿನ್ನೂ 4 ವರ್ಷ. ಮುದ್ದಾದ ಹಾಲು ಬಿಳುಪಿನ ಗುಂಡು ಮುಖ, ದಟ್ಟವಾದ ಕಪ್ಪು ಕೂದಲು, ಎರಡು ಉದ್ದನೆಯ ಜಡೆಯನ್ನು ಮೇಲಕ್ಕೆ ಕಟ್ಟಿ ,ದುಂಡಾದ ಕಾಕಡ, ಕನಕಾಂಬರವನ್ನು ಮುಡಿಸಿ, ಕಣ್ಣಿಗೆ ಕಾಡಿಗೆ ಇಟ್ಟು , ಬಲಗೆನ್ನೆಯ ಮೇಲೊಂದು ಚುಕ್ಕೆ ಇಟ್ಟು , ತನ್ನ ಸೀರೆಯಿಂದಲೇ ಹೊಲಿದ, ಉದ್ದನೆಯ ರೇಷ್ಮೆ ಲಂಗ, ರವಿಕೆ...ಕೈ ತುಂಬಾ ಝಲ್ ಝಲ್ ಅನ್ನುವ ಬಳೆ ತೊಡಿಸಿ ಆಟ ಆಡ್ಕೋ ಹೋಗು ಎಂದು ಮುತ್ತಿಡುತ್ತಿದ್ದಳು ಲಲಿತೆಯ ಅಮ್ಮಾ !! ಥೇಟ್ ಗೊಂಬೆಯಂತೆಯೇ ಕಾಣುತ್ತಿದ್ದ ಲಲಿತಾಗೆ ನೃತ್ಯ ಮಾಡುವುದೆಂದರೆ ಪಂಚಪ್ರಾಣ, ಅವಳ ಪ್ರತೀ ಮಾತು , ಭಂಗಿ, ಭಾವವನ್ನೆಲ್ಲಾ ನೆಂಟರಿಷ್ಟರು, ಸ್ನೇಹಿತರಷ್ಟೇ ಅಲ್ಲ ದಾರಿಹೋಕರೂ, ದೇವಾಲಯದ ಭಕ್ತರ ಮಹಾಪೂರ ಕಣ್ತುಂಬಾ ಸೆರೆಹಿಡಿದುಕೊಂಡು ಕೊಂಡಾಡುತ್ತಿದ್ದರು !  ಮನೆಯ ಪಕ್ಕದಲ್ಲೇ ಹೊಯ್ಸಳರ ಶೈಲಿಯ ಬೃಹತ್ ಗುಡಿಯ ಮುಂದೆ ತೋಚಿದ್ದನ್ನೆಲ್ಲಾ ನರ್ತಿಸುತ್ತಿದ್ದಳು ಲಲಿತೆ ! ಅಪ್ಪ ರಾಮದಾಸ ಅದೇ ದೇಗುಲದ ಅರ್ಚಕ, ನೃತ್ಯದಲ್ಲೇ ತಲ್ಲೀನಳಾಗಿ ದಣಿದು ಬಂದ ಕೂಸನ್ನು ಪ್ರಸಾದ ತಿನ್ನಿಸಿಕೊಂಡು ,ಹೆಗಲಮೇಲೆ ಕೂರಿಸಿಕೊಂಡು, ನವಿಲನ್ನೇ ಹೊತ್ತು ಮೆರೆಯುತ್ತಿರುವ ಭಾವದಿಂದ ನಲಿದಾಡುತ್ತಾ ಹಿಗ್ಗಿನಿಂದ ಮನೆ ತಲುಪುತ್ತಿದ್ದ ! ಅವನ ಬದುಕಿನಲ್ಲಿ ಲಲಿತೆಯ ಹೊರತು ಬೇರೇನೂ ಮಹತ್ತಿರಲಿಲ್ಲ !. ಲಲಿತೆಗೀಗ 6 ವರ್ಷ, ಬದುಕೆಷ್ಟು ದೂರ ಎಂದುಕೊಳ್ಳುತ್ತಿದ್ದ! ..ಕಾಲ ಉರು...
Read more